NSWORLD

Business confidence index, CEO confidence index, Bankers confidence index, and the likes, suddenly have come to the front pages of business newspapers. My leisure hours during the last fortnight was spent on reading and listening to various views and perspectives on  possible reasons, whether systemic or non systemic, for the current Global financial chaos.

On the face of it and according to most analysts, economists and bankers everything started with subprime and the related CDOs.(which now appears truly to be the financial weapons of mass destruction)But one can’t also ignore the preceding bubble in the commodity market from oil, cereals, yellow metal to iron. What made the commodities to hot up? Excess liquidity in the system?, famine in some parts of Africa, or Australia or the excess encouragement given bio fuels which lead to drastic reduction of acreage under food grain cultivation, or the 7+ growth rate of Asian economies.

Is it the Americans` penchant for consuming more than they were producing, or the dominant role of US dollar as the global currency, which brings with it the inherent risk of being targeted every time there is crisis of confidence.

Am still confused even after reading reams and MBs on this, every other possible reason for the crisis is leading to another more possible and bigger reason which might have triggered today’s catastrophe.

During pre election rallies and speeches Obama squarely blamed it on Republicans, John Mc cain had all the regulators at fault for the fiasco. But only few are speaking about those celebrated Credit rating agencies which gave highest investment rating to all those infamous Investment bankers till the day they filed for bankruptcy.

Some said, greedy Banking and financial service providers and their Financial engineering to be blamed, while some had faulty policies of central bankers across the world who couldn’t foresee the crisis in the making.

So jury is still out on the issue of possible reasons, but as of now its all fall and free fall for all from stock markets, financial services, banking, stock broking, software, commodity, automobile, iron and steel, construction, realty, media, entertainment to the next door kirana shop.

So don’t think chicken or egg is the one difficult question to answer, because Economics has plenty of such questions or all question are of that type!!!!!

ಇತ್ತೀಚೆಗೆ ಆಚೆ ಮನೆ ಸುಬ್ಬಮ್ಮನೂ ಕೂಡ, ಎಕನಾಮಿಕ್ ಟೈಮ್ಸ್ ಓದಕ್ಕೆ ಹಾಗೂ CNBC ನೋಡಕ್ಕೆ ಶುರುಮಾಡಿದ್ದಾರೆ. ಸಬ್ ಪ್ರೈಮ್ ಕ್ರೈಸಿಸ್ ಅಂದರೆ ಏನು?, ಲೇಮನ್ ಬ್ರದರ್ಸ್ ಯಾಕೆ ಬ್ಯಾಂಕ್ರಪ್ಟ್ ಆಯ್ತು ಅನ್ನೋ ಪ್ರಶ್ನೆ ಎಲ್ಲಾ ಅವರ ತಲೆಯಲ್ಲೂ ಬರ್ತಾ ಇದೆ. ಸಾಫ್ಟ್‌ವೇರ್ ಕೆಲಸ ಮಾಡ್ತೀರೋ ಮಗನ ವರ್ತನೆ, ಹಾಗೂ ಮನೆಯ ಆರ್ಥಿಕ ಪರಿಸ್ಥಿತಿಗೂ ಹಾಗೂ ಅಮೇರಿಕಾದ ಆರ್ಥಿಕ ಪರಿಸ್ಥಿತಿಗೂ, ಸರಿಯಾಗಿ ಅಲ್ಲದಿದ್ರೂ, ಅಂತೂ ಏನೋ ಸಂಬಂಧ ಇದೆ ಅಂತ ಅವರಿಗೂ ಚೆನ್ನಾಗಿ ಗೊತ್ತಾಗಿ ಹೋಗಿದೆ. ೧೯೯೮ ಸುಮಾರಿಗೆ y2k ಅಂತ ಸಂತೋಷದಿಂದ ಅಮೇರೀಕಾಗೆ ಹೋದ ದೊಡ್ಡ ಮಗ ೨೦೦೧ ಇಸ್ವಿ ಹೊತ್ತಿಗೆ ಡಾಟ್ ಕಾಮ್, ಬಿದ್ದೋಯ್ತು, ರಿಸೆಶನ್ ಅಂತೆಲ್ಲಾ ಹೇಳಿಕೊಂಡು ಕೆಲ್ಸಾ ಕಳ್ಕೊಂಡು ವಾಪಸ್ಸು ಬೆಂಗಳೂರಿಗೆ ಬಂದು ಇಲ್ಲೇ ಕಷ್ಟ ಪಟ್ಟು ಕೆಲಸ ಹುಡುಕಿಕೊಂಡಿದ್ದು ಅವರ ನೆನಪಿನಿಂದ ಇನ್ನೂ ಮಾಸಿಲ್ಲ.

ಕುದುರೆಯಂತೆ ವೇಗವಾಗಿ ಓಡುತ್ತಿರುವ ಆರ್ಥಿಕತೆ ಎಂದು ವೇಗ ಕಡಿಮೆ ಮಾಡುವುದೇ ಇಲ್ಲವೆನ್ನುವ ಹುಮ್ಮಸ್ಸಿನಲ್ಲಿ, ಕಳಪೆ ದರ್ಜೆ ಸಾಲಗಾರರಿಗೆಲ್ಲ, ಗೃಹ ಸಾಲ ಮಂಜೂರು ಮಾಡಿದ ತಪ್ಪು ಒಂದು ದಿವಸ ಸಬ್ ಪ್ರೈಮ್ ಕ್ರೈಸಿಸ್ ಎಂಬ ದೊಡ್ಡ ಭೂತವಾಗಿ ಕಾಡುತ್ತದೆಂದೂ, ಇದರಿಂದ ದೊಡ್ಡ ದೊಡ್ಡ ಬ್ಯಾಂಕ್‌ಗಳು ಹಾಗೂ ಇನ್‌ವೆಸ್ಟ್‌ಮೆಂಟ್ ಬ್ಯಾಂಕ್‌ಗಳು ನೂರಾರು ಬಿಲಿಯನ್ ಡಾಲರ್‌ಗಳ ಪಂಗನಾಮ ಹಾಕಿಸಿಕೊಳ್ಳ ಬೇಕಾಗುತ್ತದೆಂದೂ ಯಾವ ದೊಡ್ಡ ದೊಡ್ಡ ಆರ್ಥಿಕ ತಜ್ಞನೂ ಉಹಿಸಿರಲಿಲ್ಲ . ಈ ಸಬ್ ಪ್ರೈಮ್ ಕ್ರೈಸಿಸ್‌ನಿಂದ  ಅಮೆರಿಕದ ಬ್ಯಾಂಕ್‌ಗಳಿಗೆ ಬಿದ್ದ ಹೊಡೆತ ಭಾರತದ ಸಾಫ್ಟ್‌ವೇರ್ ಕಂಪನಿಗಳಿಗೂ ಬಿದ್ದು ಸಾವಿರಾರು ಜನ ನೌಕರಿ ಕಳೆದುಕೊಂಡಿದ್ದು ಇನ್ನೂ ನೆನಪಿನಲ್ಲೇ ಹಸಿರಾಗಿರುವಾಗಲೇ, ಇದರಿಂದಲೇ ಶುರುವಾಗಿರಬಹುದಾದ ಅಥವಾ ಇದು ಒಂದು ಕಾರಣವಾಗಿರಬಹುದಾದ, ಮತ್ತೊಂದು ಸುನಾಮಿ ಅಮೆರಿಕಾದ ಇನ್‌ವೆಸ್ಟ್‌ಮೆಂಟ್ ಬ್ಯಾಂಕ್‌ಗಳನ್ನು ನೆಲಸಮ ಮಾಡಲು ದಾಳಿ ಮಾಡಿದೆ.

ಈ ಬಾರಿ ದಾಳಿ ಮಾಡಿದ ಶತ್ರು derivative ಎಂಬ complicated financial instrument ಹಾಗೂ liquidity crisis ಎಂಬ ನಾನಾ ರೂಪವನ್ನು ಧರಿಸಿ ಎಲ್ಲ ದಿಕ್ಕಿನಿಂದಲೂ ಆರ್ಥಿಕತೆಯ pillar ಗಳಾದ ಬ್ಯಾಂಕ್‌ಗಳ ಮೇಲೆ ನೇರ ಧಾಳಿ ಮಾಡಿ ಲೇಮನ್ ಬ್ರದರ್ಸ್ ಎಂಬ ದೈತ್ಯನನ್ನೇ ಕೆಡವಿದೆ. ಮುನ್ನುಗ್ಗುತ್ತಿರುವ ಗೂಳಿಯನ್ನೇ ಲಾಂಛನ ವಾಗಿಟ್ಟುಕೊಂಡಿರುವ ಮೆರಿಲ್ಲ್ ಲಿಂಚ್‌ನನ್ನು ಮಣ್ಣು ಮುಕ್ಕಿಸಿದೆ. ಸಾಲಗಿ ಜೋಡಿಸಿಟ್ಟ ಇಸ್ಪೀಟ್ ಎಲೆಗಳು ಒಂದಾದ ಮೇಲೆ ಒಂದು ಬೀಳುವಂತೆ ಈ ಪ್ರಪಂಚದಾದ್ಯಂತ ಶೇರು ಮಾರುಕಟ್ಟೆಗಳ ಮೇಲೆ,  ಕರೆನ್ಸಿ ಮಾರುಕಟ್ಟೆಗಳ ಮೇಲೆ cascading effect ಪ್ರಾರಂಭವಾಗಿದೆ. ಭಾರತದಲ್ಲಿನ ಬಹುಪಾಲು ಸಾಫ್ಟ್‌ವೇರ್ ಕಂಪನಿಗಳ  ಶೇಕಡ ೬೦ ರಷ್ಟು ಆದಾಯ ಬರುವುದು BFSI (Banking, Financial service, Insurance) ಸೆಗ್‌ಮೆಂಟ್‌ನಿಂದಲೇ. ಹಾಗಾಗಿ, ಇದು ಭಾರತದ ಸಾಫ್ಟ್‌ವೇರ್  ಕಂಪನಿಗಳ ಪಾಲಿಗೆ ದೊಡ್ಡ ತಲೆ ನೋವಾಗಿದೆ. ಪ್ರತಿ ವರ್ಷ ಸಾವಿರಾರು ಪಧವಿಧಾರರಿಗೆ ಉದ್ಯೋಗ ನೀಡುತ್ತಿರುವ ಭಾರತೀಯ BPO ಗಳ ಬಹುಮಟ್ಟಿನ ವ್ಯವಹಾರ ಬರುವುದು ಈ ಸೆಗ್‌ಮೆಂಟ್ ನಿಂದಲೇ.

ಈ ತರಹದ ತಲೆ ಹನ್ನೆರಡಾಣೆ ಆಗೊಂತಹ ವ್ಯವಹಾರಗಳನ್ನು ನೋಡುತಿದ್ರೆ,  “ನಮ್ಮ ಮಕ್ಕಳು  ಈ ಸುಡುಗಾಡು ಸಾಫ್ಟ್‌ವೇರ್ ಬದಲು ನಮ್ಮೆಜಮಾನರ ತರಹ ಯಾವುದಾದರೋ ಸರ್ಕಾರಿ ಉದ್ಯೋಗದಲ್ಲಿದ್ದು ನೆಮ್ಮದಿಯಾಗಿರಬಹುದಿತ್ತಲ್ವಾ” ಅಂತ ಸುಬ್ಬಮ್ಮನಿಗನಿಸಿದರೆ  ಆಶ್ಚರ್ಯವೇನಿಲ್ಲವಲ್ಲವೇ?

(ಕೆಂಡಸಂಪಿಗೆ ಗಾಗಿ ಬರೆದದ್ದು, ಸೆಪ್ಟೆಂಬರ್ ೨೨`೦೮)

ಮೊನ್ನೆ ಇದ್ದಕ್ಕಿದ್ದ ಹಾಗೆ, ಎಲ್ಲಿಂದಲೋ ಪ್ರತ್ಯಕ್ಷನಾದ ಅವನು ‘ಒಂದು ಅಮೆರಿಕನ್ ಡಾಲರ್ ಒಂದು ಭಾರತೀಯ ರೂಪಾಯಿಗೆ ಸಮ ಅಂತ ಸರ್ಕಾರ ಘೋಷಿಸಿಬಿಟ್ರೆ, ನಮ್ಮ ಎಲ್ಲ ಸಮಸ್ಯೆಗಳು ಪರಿಹಾರ ಆಗುತ್ತೆ ಅಲ್ವಾ?’ ಅಂತ ಹೇಳಿಬಿಟ್ಟ. ಅದು ಹಾಗಲ್ಲಪ್ಪ ಅಂತ ನಾನು, ಗೋಲ್ಡ್ ಸ್ಟ್ಯಾಂಡರ್ಡ್, ಬ್ರೆಟನ್ ವುಡ್, ಫ್ರೀ ಫ್ಲೋಟ್ ಅಂತ ನನಗೆ ಗೊತ್ತಿರುವ ಅರ್ಥಶಾಸ್ತ್ರದ ಥಿಯರೀ ಎಲ್ಲ ಹೇಳಿದರೂ, ಅವನು ಕನ್ವಿನ್ಸ್ ಆದ ಹಾಗೆ ಕಾಣಲಿಲ್ಲ. ‘ತಮ್ಮ ದೇಶದ ಉತ್ಪನ್ನಗಳಿಗೆ ಹೆಚ್ಚು ಹೆಚ್ಚು ದುಡ್ಡು ಬರಲಿ ಅಂತ, ಅಮೆರಿಕದಂತಹ ಮುಂದುವರಿದ ರಾಷ್ಟ್ರಗಳು ಹಾಗೂ ಅವುಗಳ ಚೇಲಾಗಳಾದ ಬಹುರಾಷ್ಟ್ರೀಯ ಕಂಪನಿಗಳು ನಡೆಸುತ್ತಿರುವ ಹುನ್ನಾರ, ಇದಕ್ಕೆ ನಮ್ಮ ಸರ್ಕಾರಗಳು ತಲೆ ಬಾಗುತ್ತಿವೆ’ ಅಂತ ಮತ್ತೊಂದು ಅನಾಹುತಕಾರಿ ಹೇಳಿಕೆ ಕೊಟ್ಟು ಸುಮ್ಮನಾಗಿ ಬಿಟ್ಟ.

ಇವನ ಮಾತು ಕೇಳಿ ನನಗೆ ಕೆಲ ವರ್ಷಗಳ ಹಿಂದೆ ಮೌಲ್ಯ ವರ್ಧಿತ ತೆರಿಗೆ(VAT) ಯನ್ನು ಅಳವಡಿಸಲು ಕೇಂದ್ರ ಸರ್ಕಾರ ಉದ್ದೇಶಿಸಿದ್ದಾಗ, ಸ್ವದೇಶಿ ಚಳುವಳಿಯ ಬಹುಮುಖ್ಯ ವಕ್ತಾರರೊಬ್ಬರು ‘ವ್ಯಾಟ್ ಅಳವಡಿಸುವ ಸರ್ಕಾರದ ಉದ್ದೇಶದ ಹಿಂದೆ ಮುಂದುವರೆದ ರಾಷ್ಟ್ರಗಳ ಪಿತೂರಿಯಿದೆ. ಇದರಿಂದ ಬಡ, ಮಧ್ಯಮ ವರ್ಗದ ಜನರಿಗೆ ತೊಂದರೆಯುಂಟಾಗುತ್ತದೆ’ ಎಂದು ರಾಜ್ಯದ ಪ್ರಮುಖ ನಗರಗಳಲ್ಲಿ, ಸಾರ್ವಜನಿಕ ಸಭೆಗಳಲ್ಲಿ ಘಂಟಾಘೋಷವಾಗಿ ಹೇಳಿದ್ದು ನೆನಪಾಯಿತು.

ಸರ್ಕಾರದ ಈ ಪಾಲಿಸಿಗಳು ಯಾವುದೇ ಲೋಪ ದೋಷಗಳು ಇಲ್ಲದ್ದು ಅಂತ ಹೇಳುವುದು ನನ್ನ ಉದ್ದೇಶವಲ್ಲ. ಆದರೆ, basic understanding ಇಲ್ಲದೆಯೇ, ದೊಡ್ಡ ಮಟ್ಟದ ಚರ್ಚೆಗಳನ್ನು ಹುಟ್ಟುಹಾಕುವವರ ಹಾಗೂ misinformation campaign ಗಳನ್ನು ಯಶಸ್ವಿಯಾಗಿ ನಡೆಸುವವರ ಬಗ್ಗೆ ನನ್ನ ಆಕ್ಷೇಪ.
                          ************************************

ವಿಶ್ವಬ್ಯಾಂಕ್ ನ ಇತ್ತೀಚಿನ ವರದಿಗಳ ಪ್ರಕಾರ, ಪ್ರಪಂಚದಲ್ಲಿ ಅತಿ ಹೆಚ್ಚಿನ ಬಡವರ ಸಂಖ್ಯೆಯಿರುವುದು ಭಾರತದಲ್ಲಿ. ಸುಮಾರು 460 ಮಿಲಿಯನ್. ಅಂದರೆ ನಮ್ಮ ಜನಸಂಖ್ಯೆಯ ಶೇಕಡ 42 ರಷ್ಟು. ವಿಶ್ವಬ್ಯಾಂಕ್ ಪ್ರಕಾರ ದಿನಕ್ಕೆ 1.25 ಅಮೆರಿಕನ್ ಡಾಲರ್ ಗಿಂತ (ಅಂದಾಜು, ಭಾರತದ 55 ರೂಪಾಯಿಗಳು) ಕಡಿಮೆ ಆದಾಯ ಇರುವವನು ಬಡವನು ಎಂದು. ಆದರೆ ಏಶಿಯನ್ ಡೆವೆಲಪ್‌ಮೆಂಟ್ ಬ್ಯಾಂಕ್ ನ  ಪ್ರಕಾರ ಒಬ್ಬ ವ್ಯಕ್ತಿಯ ಆದಾಯ ದಿನಕ್ಕೆ ಅಮೆರಿಕನ್ ಡಾಲರ್ 1.35 ಕ್ಕಿಂತ ಕಡಿಮೆಯಿದ್ದರೆ ಅವನು ಬಡವ. ಇದರ ಪ್ರಕಾರ ಭಾರತದಲ್ಲಿ ಸುಮಾರು 600 ಮಿಲಿಯನ್ ಬಡವರಿದ್ದಾರೆ.

ಆದರೆ ಭಾರತ ಸರ್ಕಾರದ ಲೆಕ್ಕಾಚಾರವೇ ಬೇರೆ. ನಮ್ಮಲ್ಲಿ ಬಡತನವನ್ನು ಪ್ರತಿ ದಿನ ವ್ಯಕ್ತಿಯೊಬ್ಬ ತೆಗೆದುಕೊಳ್ಳುವ ಆಹಾರದ ಕ್ಯಾಲೊರಿ ಪ್ರಮಾಣ ಆಧರಿಸಿ ನಿರ್ಧರಿಸಲಾಗುತ್ತದೆ. ಇದರ ಪ್ರಕಾರ ನಮ್ಮಲ್ಲಿ ಇರುವ ಬಡವರ ಸಂಖ್ಯೆ 300 ಮಿಲಿಯನ್! ಆದರೆ ಈ ಮುನ್ನೂರು ಮಿಲಿಯನ್ ಸಂಖ್ಯೆಯಲ್ಲಿ SIZE ZERO ಹೊಂದಲು ಕಸರತ್ತು ನಡೆಸಿ ಊಟ ಬಿಟ್ಟಿರುವ, ನಮ್ಮ ಚಲನಚಿತ್ರ ತಾರೆಯರು, ಹಾಗೂ ಬೆಕ್ಕಿನ ನಡಿಗೆಯ ಬೆಡಗಿಯರ ಸಂಖ್ಯೆಯೂ ಸೇರಿದೆಯೊ ಇಲ್ಲವೋ ಎಂಬುದು ನನಗೆ ಗೊತ್ತಿಲ್ಲ!!!!

(ಕೆಂಡಸಂಪಿಗೆ ಗಾಗಿ ಬರೆದದ್ದು ೬ ಸೆಪ್ಟೆಂಬರ್ ೨೦೦೮)

ಶೇರು ಮಾರುಕಟ್ಟೆಗೂ ಸ್ಕರ್ಟ್‌ನ ಉದ್ದಕ್ಕೂ (length) ಏನಾದರೂ ಸಂಬಂಧ ಇದೆಯಾ? ನಗ ಬೇಡಿ. ಅಥವಾ ಇದೆಂತಹ ಅಸಂಬದ್ಧ ವಾದವಿರಬಹುದೆಂದು ಅನಿಸುತ್ತಿದೆಯೇ?
ಹೌದು, ಆ ತರಹದೊಂದು ಥಿಯರಿ ಇದೆ. ಅದನ್ನು Hemline Theory/Indicator ಎಂದು ಕರೆಯಲಾಗುತ್ತದೆ. ರಾಲ್ಪ್ ರಾಟ್ನಂ ಎಂಬ ಹಾರ್ವರ್ಡ್ ವಿಶ್ವವಿದ್ಯಾಲಯದ ಪದವೀಧರನಿಂದ ರೂಪಿಸಲ್ಪಟ್ಟ ಹಾಗೂ ಪ್ರಚಲಿತಗೊಂಡ ಈ ಸಿದ್ದಾಂತ, ಶೇರು ಮಾರುಕಟ್ಟೆಗೆ ಸಂಬಂಧಪಟ್ಟ ಅನೇಕ ಘಟಾನುಘಟಿಗಳಿಂದಲೇ ಭೇಷ್! ಎನಿಸಿಕೊಂಡಿದೆ.

ಈ ಥಿಯರಿ ಬಹಳ ಸರಳವಾದದ್ದು. ಹೆಂಗಸರು ಅಥವಾ ಹುಡುಗಿಯರು ಧರಿಸುವ ಸ್ಕರ್ಟ್‌ನ ಉದ್ದ ಚಿಕ್ಕದಾದಂತೆ ಶೇರು ಮಾರುಕಟ್ಟೆಯ ಸೂಚ್ಯಂಕ ಮೇಲೇರುತ್ತದೆ. ಹಾಗೂ ಉದ್ದವಾದಂತೆ ಸೂಚ್ಯಂಕ ಕೆಳಗಿಳಿಯುತ್ತದೆ. ಮೇಲ್ನೋಟಕ್ಕೆ ಸಂಬಂಧವೆ ಇಲ್ಲದಂತೆ ಕಂಡರೂ, ಇದರ ಹಿಂದೆ, ಜನರ ಸಾಮಾಜಿಕ ಸ್ಥಿತಿ ಗತಿ, ಹಾಗೂ ಆರ್ಥಿಕ ಪರಿಸ್ಥಿತಿಯನ್ನು ಶೇರು ಮಾರುಕಟ್ಟೆಯ ಸೂಚ್ಯಂಕದೊಡನೆ ಸಮೀಕರಿಸುವ ಒಂದು ಪ್ರಯತ್ನವಿದೆ. ರಾಲ್ಪ್‌ನ ಪ್ರಕಾರ ಜನರ ಆರ್ಥಿಕ ಪರಿಸ್ಥಿತಿ ಉತ್ತಮವಾದಂತೆ ಅವರ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ, ಅವರು ಹೆಚ್ಚು ಸಂತೋಷದಾಯಕವಾಗಿರುತ್ತಾರೆ, ಇದು ಅವರ ವರ್ತನೆಯಲ್ಲಿ, ಧರಿಸುವ ಧಿರಿಸಿನಲ್ಲಿ ವ್ಯಕ್ತಗೊಳ್ಳುತ್ತದೆ, ಜೀವನ ಶೈಲಿ ಬಹು ಮಟ್ಟಿಗೆ ಬದಲಾವಣೆಯಾಗುತ್ತದೆ. ಇಂತಹ ಸಂದರ್ಭದಲ್ಲಿ ಫ್ಯಾಶನ್ ಪ್ರಪಂಚದಲ್ಲೂ ಬದಲಾವಣೆಯ ಗಾಳಿ ಬೀಸುತ್ತದೆ. ಸ್ಕರ್ಟ್‌ನ ಉದ್ದದಲ್ಲಿ ವ್ಯತ್ಯಾಸವಾಗುತ್ತಾ ಹೋಗುತ್ತದೆ, ಮಿನಿ ಹಾಗೂ ಮೈಕ್ರೋ ಸ್ಕರ್ಟ್‌ಗಳ ಬಳಕೆ ಹೆಚ್ಚಾಗತೊಡಗುತ್ತದೆ.

೧೯೨೦ ಹಾಗೂ ೧೯೬೦ ರ ದಶಕದ ಅಮೇರಿಕದ ಶೇರು ಮಾರುಕಟ್ಟೆಯ ಅಧ್ಯಯನವನ್ನು ಹಾಗೂ ಅಂದಿನ ದಿನಗಳಲ್ಲಿ ಚಾಲ್ತಿಯಿದ್ದ, ಫ್ಯಾಶನ್‌ನ ಅಧ್ಯಯನ ಮಾಡಿ ಸ್ಕರ್ಟ್‌ನ ಉದ್ದ ಹಾಗೂ ಶೇರು ಮಾರುಕಟ್ಟೆಯ ಪರಿಸ್ಥಿತಿಗೆ ಬಹಳ ನೇರವಾದ ಸಂಬಂಧವಿದೆಯೆಂದು ಸಾರಿತು ಈ ಸಿದ್ದಾಂತ. ಉತ್ತಮಗೊಂಡ ಆರ್ಥಿಕ ಪರಿಸ್ಥಿತಿ ಜನರನ್ನು ಹೆಚ್ಚು ಹೆಚ್ಚು ಖರ್ಚು ಮಾಡುವಂತೆ ಪ್ರೇರೇಪಿಸುತ್ತದೆ, ಹಾಗೂ ಮಾರುಕಟ್ಟೆಯಲ್ಲಿ ಹೆಚ್ಚಾದ ಹಣದ ಪ್ರಮಾಣ (Liquidity factor) ಶೇರು ಮಾರುಕಟ್ಟೆಗೂ ಹರಿದು ಸೂಚ್ಯಂಕ ಮೇಲೇರುವಂತೆ ಮಾಡುತ್ತದೆ.

ಇದೆಂತಹ ಥಿಯರಿ? ಆರ್ಥಿಕ ಪರಿಸ್ಥಿತಿಯೊಂದೆ ಅಲ್ಲ, ಹವಾಮಾನ ಬದಲಾವಣೆಯೂ ಸಹ ಜನರು ಧರಿಸುವ ವಸ್ತ್ರಗಳನ್ನು ನಿರ್ಧರಿಸುತ್ತದೆ, ಡಿಸೆಂಬರ್ ತಿಂಗಳಿನ ಚಳಿಯಲ್ಲಿ ಯಾರಾದರೂ ಮಿನಿ ಸ್ಕರ್ಟ್ ಧರಿಸಲು ಸಾಧ್ಯವೇ? ಹಾಗಾದರೆ ಪ್ರತಿ ಚಳಿಗಾಲದಲ್ಲೂ ಶೇರು ಮಾರುಕಟ್ಟೆ ಬೀಳುತ್ತದೆಯೇ? ಎಂದೆಲ್ಲ ಟೀಕಾಕಾರರು ಪ್ರಶ್ನಿಸಿದ್ದಾರೆ. ಈ ಥಿಯರಿಯನ್ನು ನೇರವಾಗಿ ಭಾರತದಂತಹ, ಸ್ವಲ್ಪ ಮಟ್ಟಿನ ಮಡಿವಂತ ಹಾಗೂ, ಉದ್ದಗಲಕ್ಕೂ ವೈವಿಧ್ಯಮಯವಾದ ಉಡುಪನ್ನು ಧರಿಸುವ ಜನರಿರುವ ದೇಶದಲ್ಲಿ ಪರೀಕ್ಷಿಸಲು ಸಾಧ್ಯವಾಗದೆಂಬುದು ವಾಸ್ತವ. ವಾದ ವಿವಾದಗಳು ಏನೇ ಇದ್ದರೂ, ಇವತ್ತಿಗೂ ಶೇರು ಮಾರುಕಟ್ಟೆಯ ಹುಚ್ಚಿರುವ ಜನರನ್ನು, ಡಿಸೆಂಬರ್‌ನ ಚಳಿ ಹಾಗೂ ಏಪ್ರಿಲ್‌ನ ಬಿರುಬಿಸಿಲಿನಲ್ಲೂ ಈ ಥಿಯರಿ ಮತ್ತೆ ಮತ್ತೆ ತನ್ನೆಡೆ ಸೆಳೆಯುತ್ತದೆ.

(ಕೆಂಡಸಂಪಿಗೆ ಗಾಗಿ ಬರೆದದ್ದು -೩೧ ಜುಲೈ ೨೦೦೮)

ನಿಮ್ಮ ಜೀವನದಲ್ಲಿ ಹಣದುಬ್ಬರದ ಪ್ರಮಾಣ ಹಾಗು ಪ್ರಭಾವ ಏನು? ಅಂತ ಕೇಳಿದ್ರೆ ನೀವು ಏನು ಹೇಳುತ್ತೀರಾ? ಪೇಪರ್ ತೆಗೆದು ನೋಡಿ ಶೇಕಡ ೧೦ ಅಥವಾ ೧೧ ಅಂತ ಹೇಳುತ್ತೀರಾ? ಅಥವಾ?.

 ಅದಕ್ಕಿಂತ ಮೊದಲು ನಮಗೆಲ್ಲ ಗೊತ್ತಿರೋ ಈ inflation ಅಂದ್ರೆ ಏನು ಅಂತ ಸ್ವಲ್ಪ ಬ್ರಶಪ್ ಮಾಡಿಕೊಂಡು ಬಿಡಣ. ಬಹಳ ಸರಳ ವಾಗಿ ಹೇಳಬೇಕಾದ್ರೆ, ಹೋದವರ್ಷ ನಾವು ನಮ್ಮ ಅಗತ್ಯ ವಸ್ತು ಗಳಿಗಾಗಿ ಖರ್ಚು ಮಾಡಿದ್ದು ಎಷ್ಟ್ತು?
ಹಾಗು ಅದೇ ಗುಣಮಟ್ಟದ ಹಾಗು ಪ್ರಮಾಣದ ವಸ್ತು ಗಳಿಗೆ ಈ ವರ್ಷ ಎಷ್ಟ್ತು ಖರ್ಚು ಮಾಡುತಿದ್ದೇವೆ ಎಂಬುದು ಎಲ್ಲರಿಗೂ ಸರಳವಾಗಿ ಅರ್ಥವಾಗುವಂತದೇ. ಈ ಖರ್ಚಿನಲ್ಲಿನ ಶೇಕಡವಾರು ವ್ಯತ್ಯಾಸ ಹೆಚ್ಚಾಗಿದ್ದಲ್ಲಿ ಅದನ್ನು ಹಣದುಬ್ಬರವೆನ್ನುತ್ತೆವೆ ಹಾಗು ಅದು ಶೇಕಡ ಅಷ್ಟ್ತು ಇಷ್ತ್ತು ಎಂದು ಹೇಳುತ್ತೇವೆ  

ಸರ್ಕಾರದ ಕಡೆ ಇಂದ ಬರುವಂತಹ ಈ ಹಣದುಬ್ಬರದ ಬಗೆಗಿನ ಮಾಹಿತಿಗಳೆಲ್ಲಾ,WPI (wholesale price index) ಆಧಾರವಾಗಿರುತ್ತದೆ. ಈ WPI ನಲ್ಲಿ ಅನೇಕ ದಿನ ಬಳಕೆಯ ವಸ್ತುಗಳನೊಳಗೊಂಡ ಪಟ್ಟಿಯಿರುತ್ತದೆ ಹಾಗು ಇವೆಲ್ಲವೂ ಜನಸಾಮಾನ್ಯರು ತಮ್ಮ ಜೀವನದಲ್ಲಿ ಯಾವ ಯಾವ ಪ್ರಮಾಣ ದಲ್ಲಿ ಉಪಯೋಗಿಸುತ್ತಾರೆ ಎಂಬುದನ್ನು ಆಧರಿಸಿ ಹಣದುಬ್ಬರದ ಪ್ರಮಾಣ ನಿರ್ಧರಿಸಲಾಗುತ್ತದೆ.
ತುಂಬಾ ಸರಳವಾದ ವಿಷಯ ವೆಂದರೆ, ಈ ಪಟ್ಟಿಯಲ್ಲಿರುವ ಅನೇಕ ವಸ್ತುಗಳನ್ನು ನಾವು ಉಪಯೋಗಿಸುವುದೇ ಇಲ್ಲ, ಹಾಗು ಇವುಗಳನ್ನು ನಾವು ಯಾವ ಯಾವ ಪ್ರಮಾಣದಲ್ಲಿ ಉಪಯೋಗಿಸುತ್ತವೆ ಎಂಬುದು ಸಹ ಬೇರೆ ಬೇರೆ ಯದೇ ಆಗಿರುತ್ತದೆ.
ನಿಜವಾಗಿಯೂ ನಿಮಗೆ ಹಣದುಬ್ಬರದ ಹೊಡೆತ ಯಾವ ಪ್ರಮಾಣದಲ್ಲಿ ಬಿಳುತ್ತಿದೆ ಎಂಬುದನ್ನು ನೀವು ತಿಳಿಯಬೇಕಿದ್ದರೆ. ನಿಮ್ಮ ತಿಂಗಳ ಖರ್ಚಿನ ಪಟ್ಟಿಯನ್ನು ,(ವಸ್ತುಗಳ ಗುಣಮಟ್ಟ ಹಾಗು ಪ್ರಮಾಣ, ಎರಡು ಕಾಲ ಘಟ್ಟದಲ್ಲೂ ಸಹ ಸಮನಾಗಿರತಕ್ಕದ್ದು.) ಹೋದ ವರ್ಷದ ಪಟ್ಟಿಯೊಡನೆ ಹೋಲಿಸಿ ನೋಡಿ, ಅದು ನಿಮಗೆ ಆಘಾತವನ್ನು ತರಬಹುದು ಸಹ. ಕೆಲವರಿಗೆ ಇದು ಶೇಕಡ ೨೫ ರಿಂದ ೩೦ ರ ವರೆಗೂ ಆಗಿರುವ ಸಾಧ್ಯತೆ ಇರುತ್ತದೆ. ಒಂದು ಸಣ್ಣ ಉದಾಹರಣೆಯನ್ನು ಕೆಳಗೆ ಕೊಟ್ಟಿದ್ದೇನೆ.

ಇದರ ಪ್ರಕಾರ ಲೆಕ್ಕಾಚಾರ ಮಾಡಿ ಆನಂತರ ನಿರ್ಧರಿಸಿ , ನಿಮ್ಮ ಆದಾಯ ನಿಮ್ಮ ಖರ್ಚಿಗನುಗುಣವಾಗಿ ಹೆಚ್ಚಾಗುತ್ತಿದೆಯೇ ಅಥವಾ??