jump to navigation

ಸ್ಕರ್ಟ್‌ನ ಉದ್ದ ಮತ್ತು ಶೇರು ಸೂಚ್ಯಂಕ September 15, 2008

Posted by nsworld in Business and Economy.
trackback

ಶೇರು ಮಾರುಕಟ್ಟೆಗೂ ಸ್ಕರ್ಟ್‌ನ ಉದ್ದಕ್ಕೂ (length) ಏನಾದರೂ ಸಂಬಂಧ ಇದೆಯಾ? ನಗ ಬೇಡಿ. ಅಥವಾ ಇದೆಂತಹ ಅಸಂಬದ್ಧ ವಾದವಿರಬಹುದೆಂದು ಅನಿಸುತ್ತಿದೆಯೇ?
ಹೌದು, ಆ ತರಹದೊಂದು ಥಿಯರಿ ಇದೆ. ಅದನ್ನು Hemline Theory/Indicator ಎಂದು ಕರೆಯಲಾಗುತ್ತದೆ. ರಾಲ್ಪ್ ರಾಟ್ನಂ ಎಂಬ ಹಾರ್ವರ್ಡ್ ವಿಶ್ವವಿದ್ಯಾಲಯದ ಪದವೀಧರನಿಂದ ರೂಪಿಸಲ್ಪಟ್ಟ ಹಾಗೂ ಪ್ರಚಲಿತಗೊಂಡ ಈ ಸಿದ್ದಾಂತ, ಶೇರು ಮಾರುಕಟ್ಟೆಗೆ ಸಂಬಂಧಪಟ್ಟ ಅನೇಕ ಘಟಾನುಘಟಿಗಳಿಂದಲೇ ಭೇಷ್! ಎನಿಸಿಕೊಂಡಿದೆ.

ಈ ಥಿಯರಿ ಬಹಳ ಸರಳವಾದದ್ದು. ಹೆಂಗಸರು ಅಥವಾ ಹುಡುಗಿಯರು ಧರಿಸುವ ಸ್ಕರ್ಟ್‌ನ ಉದ್ದ ಚಿಕ್ಕದಾದಂತೆ ಶೇರು ಮಾರುಕಟ್ಟೆಯ ಸೂಚ್ಯಂಕ ಮೇಲೇರುತ್ತದೆ. ಹಾಗೂ ಉದ್ದವಾದಂತೆ ಸೂಚ್ಯಂಕ ಕೆಳಗಿಳಿಯುತ್ತದೆ. ಮೇಲ್ನೋಟಕ್ಕೆ ಸಂಬಂಧವೆ ಇಲ್ಲದಂತೆ ಕಂಡರೂ, ಇದರ ಹಿಂದೆ, ಜನರ ಸಾಮಾಜಿಕ ಸ್ಥಿತಿ ಗತಿ, ಹಾಗೂ ಆರ್ಥಿಕ ಪರಿಸ್ಥಿತಿಯನ್ನು ಶೇರು ಮಾರುಕಟ್ಟೆಯ ಸೂಚ್ಯಂಕದೊಡನೆ ಸಮೀಕರಿಸುವ ಒಂದು ಪ್ರಯತ್ನವಿದೆ. ರಾಲ್ಪ್‌ನ ಪ್ರಕಾರ ಜನರ ಆರ್ಥಿಕ ಪರಿಸ್ಥಿತಿ ಉತ್ತಮವಾದಂತೆ ಅವರ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ, ಅವರು ಹೆಚ್ಚು ಸಂತೋಷದಾಯಕವಾಗಿರುತ್ತಾರೆ, ಇದು ಅವರ ವರ್ತನೆಯಲ್ಲಿ, ಧರಿಸುವ ಧಿರಿಸಿನಲ್ಲಿ ವ್ಯಕ್ತಗೊಳ್ಳುತ್ತದೆ, ಜೀವನ ಶೈಲಿ ಬಹು ಮಟ್ಟಿಗೆ ಬದಲಾವಣೆಯಾಗುತ್ತದೆ. ಇಂತಹ ಸಂದರ್ಭದಲ್ಲಿ ಫ್ಯಾಶನ್ ಪ್ರಪಂಚದಲ್ಲೂ ಬದಲಾವಣೆಯ ಗಾಳಿ ಬೀಸುತ್ತದೆ. ಸ್ಕರ್ಟ್‌ನ ಉದ್ದದಲ್ಲಿ ವ್ಯತ್ಯಾಸವಾಗುತ್ತಾ ಹೋಗುತ್ತದೆ, ಮಿನಿ ಹಾಗೂ ಮೈಕ್ರೋ ಸ್ಕರ್ಟ್‌ಗಳ ಬಳಕೆ ಹೆಚ್ಚಾಗತೊಡಗುತ್ತದೆ.

೧೯೨೦ ಹಾಗೂ ೧೯೬೦ ರ ದಶಕದ ಅಮೇರಿಕದ ಶೇರು ಮಾರುಕಟ್ಟೆಯ ಅಧ್ಯಯನವನ್ನು ಹಾಗೂ ಅಂದಿನ ದಿನಗಳಲ್ಲಿ ಚಾಲ್ತಿಯಿದ್ದ, ಫ್ಯಾಶನ್‌ನ ಅಧ್ಯಯನ ಮಾಡಿ ಸ್ಕರ್ಟ್‌ನ ಉದ್ದ ಹಾಗೂ ಶೇರು ಮಾರುಕಟ್ಟೆಯ ಪರಿಸ್ಥಿತಿಗೆ ಬಹಳ ನೇರವಾದ ಸಂಬಂಧವಿದೆಯೆಂದು ಸಾರಿತು ಈ ಸಿದ್ದಾಂತ. ಉತ್ತಮಗೊಂಡ ಆರ್ಥಿಕ ಪರಿಸ್ಥಿತಿ ಜನರನ್ನು ಹೆಚ್ಚು ಹೆಚ್ಚು ಖರ್ಚು ಮಾಡುವಂತೆ ಪ್ರೇರೇಪಿಸುತ್ತದೆ, ಹಾಗೂ ಮಾರುಕಟ್ಟೆಯಲ್ಲಿ ಹೆಚ್ಚಾದ ಹಣದ ಪ್ರಮಾಣ (Liquidity factor) ಶೇರು ಮಾರುಕಟ್ಟೆಗೂ ಹರಿದು ಸೂಚ್ಯಂಕ ಮೇಲೇರುವಂತೆ ಮಾಡುತ್ತದೆ.

ಇದೆಂತಹ ಥಿಯರಿ? ಆರ್ಥಿಕ ಪರಿಸ್ಥಿತಿಯೊಂದೆ ಅಲ್ಲ, ಹವಾಮಾನ ಬದಲಾವಣೆಯೂ ಸಹ ಜನರು ಧರಿಸುವ ವಸ್ತ್ರಗಳನ್ನು ನಿರ್ಧರಿಸುತ್ತದೆ, ಡಿಸೆಂಬರ್ ತಿಂಗಳಿನ ಚಳಿಯಲ್ಲಿ ಯಾರಾದರೂ ಮಿನಿ ಸ್ಕರ್ಟ್ ಧರಿಸಲು ಸಾಧ್ಯವೇ? ಹಾಗಾದರೆ ಪ್ರತಿ ಚಳಿಗಾಲದಲ್ಲೂ ಶೇರು ಮಾರುಕಟ್ಟೆ ಬೀಳುತ್ತದೆಯೇ? ಎಂದೆಲ್ಲ ಟೀಕಾಕಾರರು ಪ್ರಶ್ನಿಸಿದ್ದಾರೆ. ಈ ಥಿಯರಿಯನ್ನು ನೇರವಾಗಿ ಭಾರತದಂತಹ, ಸ್ವಲ್ಪ ಮಟ್ಟಿನ ಮಡಿವಂತ ಹಾಗೂ, ಉದ್ದಗಲಕ್ಕೂ ವೈವಿಧ್ಯಮಯವಾದ ಉಡುಪನ್ನು ಧರಿಸುವ ಜನರಿರುವ ದೇಶದಲ್ಲಿ ಪರೀಕ್ಷಿಸಲು ಸಾಧ್ಯವಾಗದೆಂಬುದು ವಾಸ್ತವ. ವಾದ ವಿವಾದಗಳು ಏನೇ ಇದ್ದರೂ, ಇವತ್ತಿಗೂ ಶೇರು ಮಾರುಕಟ್ಟೆಯ ಹುಚ್ಚಿರುವ ಜನರನ್ನು, ಡಿಸೆಂಬರ್‌ನ ಚಳಿ ಹಾಗೂ ಏಪ್ರಿಲ್‌ನ ಬಿರುಬಿಸಿಲಿನಲ್ಲೂ ಈ ಥಿಯರಿ ಮತ್ತೆ ಮತ್ತೆ ತನ್ನೆಡೆ ಸೆಳೆಯುತ್ತದೆ.

(ಕೆಂಡಸಂಪಿಗೆ ಗಾಗಿ ಬರೆದದ್ದು –೩೧ ಜುಲೈ ೨೦೦೮)

Comments»

1. SHREE - September 26, 2008

ಹಾಗಾದ್ರೆ ಈಗಿನ ಸ್ಟಾಕ್ ಮಾರ್ಕೆಟ್ ಪರಿಸ್ಥಿತಿಗೂ ಇದು ಅಪ್ಲಿಕೇಬಲ್ಲಾ? ಅಮೆರಿಕಾದಲ್ಲಿ ಎಲ್ಲಾ ಉದ್ದ ಲಂಗ ಹಾಕ್ಕೋತಾ ಇದಾರಾ?😛


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: