jump to navigation

ಒಟ್ಟಾರೆ ಮಾಧ್ಯಮಗಳಿಗೆ “ನಿತ್ಯಾನಂದ” !! March 17, 2010

Posted by nsworld in Generally Speaking.
trackback

“ಮಕ್ಕಳ ಎದುರಿಗೆ ನ್ಯೂಸ್ ನೋಡೋದು ಕಷ್ಟ ಆಗಿದೆ, TV ಹಾಕಿದ್ರೆ, ಅದ್ರಲ್ಲಿ ಏನು ತೋರಿಸ್ತಿರುತ್ತಾರೋ, ಅದು ಮಕ್ಕಳ ಮನಸ್ಸಿನ ಮೇಲೆ ಯಾವ ತರಹ ಪರಿಣಾಮ ಬೀರುತ್ತದೋ ಎಂದು ಹೆದ್ರುಕೊಂಡು ಜೀವನ ಮಾಡೋ ಹಂಗಾಗಿದೆ” ಎಂದು ಸಹೋದ್ಯೋಗಿಯೊಬ್ಬರು ತಮ್ಮ ಕಷ್ಟ ಸುಖ ಹೇಳಿಕೊಳ್ಳುತ್ತಿದ್ದರೆ, ” ಚಿಕ್ಕ ಮಕ್ಕಳಿರುವ ಮನೆಗಳಲ್ಲಿ pogo ಹಾಗು ಕಾರ್ಟೂನ್ ನೆಟ್ವರ್ಕ್ ಬಿಟ್ಟರೆ ಬೇರಾವ ಚಾನೆಲ್ ನು ಹಾಕ ಬಾರದು” ಎಂದು ಖಡ ಖಂಡಿತವಾಗಿ ಹೇಳಿದ ನನ್ನ ಕಸಿನ್ ಒಬ್ಬಳ ಮಾತು ನೆನಪಾಯಿತು.

ಹೌದು ಇವರೆಲ್ಲರ ಮಾತು ಅಕ್ಷರಶಃ ಸತ್ಯ. ಇಂದು ನೀವು TV ಯನ್ನು ಆನ್ ಮಾಡಿದರೆ, ಅದರಲ್ಲಿ ಬರುತ್ತಿರುವ ಕಾರ್ಯಕ್ರಮ ಅಥವಾ ದೃಶ್ಯಾವಳಿ, ಯಾರೋ ಒಬ್ಬರು ತಮ್ಮ ಬೆಡ್ ರೂಂ ನಲ್ಲಿ ನಡೆಸಿದ ಲೀಲೆಯೋ, ಇನ್ನ್ಯಾರದೋ ಬರ್ಬರ ಹತ್ಯೆಯೋ, ಯಾವುದೊ ಬಂಗಲೆ ಯಲ್ಲಿರುವ ಭೂತ ಪಿಶಾಚಿ ಗಳ ಕಥೆಯೋ ಅಥವಾ ಭಯಂಕರವಾಗಿ ಕಾಣುವ ಜ್ಯೋತಿಷಿಯೊಬ್ಬರ ಅಬ್ಬರವೋ, ಕಾಣುವ ಸಾಧ್ಯತೆ ಶೇಕಡ ೯೦ ರಷ್ಟಿರುತ್ತದೆ. ಇನ್ನು specific ಆಗಿ ಹೇಳ ಬೇಕೆಂದರೆ ಇಂದು ನಮ್ಮ ಕನ್ನಡ TV ವಾಹಿನಿಗಳು ಯಾಕೆ, ಮೂಡ ನಂಬಿಕೆ , ಅಶ್ಲೀಲ ದೃಶ್ಯಾವಳಿ, ಹಿಂಸೆ, ದ್ವೇಷ ಹಾಗು ಪ್ರಚೋದಕ ಕಾರ್ಯಕ್ರಮಗಳನ್ನು ಬಿತ್ತರಿಸುವಲ್ಲಿ ಒಬ್ಬರಿಗೊಬ್ಬರು ಈ ಪರಿಯ ಪೈಪೋಟಿ ನಡೆಸುತ್ತಿದಾವೆಂದು ಅರ್ಥ ಮಾಡಿ ಕೊಳ್ಳುವುದೇ ಕಷ್ಟ್ಟ ವಾಗಿದೆ. ಇದು TRP ಗಾಗಿ ನಡೆಯುತ್ತಿರುವ ಮಹಾ ಸಮರವೋ ಅಥವಾ ಈ ವಾಹಿನಿಗಳನ್ನು ನಡೆಸುತ್ತಿರುವವರ ಬೌದ್ದಿಕ ದಿವಾಳಿತನವೋ ಒಂದು ತಿಳಿಯದಾಗಿದೆ.

ಕೇವಲ TV ಚಾನೆಲ್ ಗಳಿಗೆ ಬೈದು ಪ್ರಯೋಜನವಿಲ್ಲ ನಮ್ಮ mainstream ಪತ್ರಿಕೆಗಳು ಸಹ ಈ ಸ್ಪೀಡ್ ಅಲ್ಲದಿದ್ದರೂ ಸ್ವಲ್ಪ ನಿಧಾನವಾಗಿಯಾದರೂ ಇದೆ ದಾರಿಯನ್ನು ತುಳಿಯುತ್ತಿವೆ. ಕಪ್ಪು ಬಿಳುಪು, ಪೀತ ಪತ್ರಿಕೆಗಳು ಹಾಗು ಸೊ ಕಾಲ್ಡ್ ಬುದ್ದಿ ಜೀವಿಗಳ ಮುಖವಾಣಿ ಗಳು ಮಾಡುತ್ತಿರುವ style of reporting ಹಾಗು treatment of subject ಇಂದು ನಮ್ಮ ಮುಖ್ಯವಾಹಿನಿಯ ಪತ್ರಿಕೆಗಳಲ್ಲಿ ಕಾಣಿಸುತ್ತಿರುವುದು ದುರಾದ್ರುಷ್ಟ್ತವೆ ಸರಿ.

ಹಗರಣಗಳನ್ನು ಬಯಲಿಗೆಳೆಯುವುದು, ಜನರು ಮೊಸಹೊಗದಂತೆ ತಿಳುವಳಿಕೆ ನೀಡುವುದು ಹಾಗು ಅಧಿಕಾರದಲ್ಲಿರುವವರು ಹಾದಿ ತಪ್ಪದಂತೆ ಹದ್ದಿನ ಕಣ್ಣು ಇಡುವುದು ಮಾಧ್ಯಮಗಳ ಕರ್ತವ್ಯ ಎಂಬುದರಲ್ಲಿ ಎರಡು ಮಾತಿಲ್ಲ. ಆದರೆ ಇದನ್ನು ಮಾಡುವ ಭರದಲ್ಲಿ, ತಾವೆಷ್ಟು ವಾತಾವರಣವನ್ನು ಕಲುಷಿತ ಗೊಳಿಸುತ್ತಿದ್ದೇವೆ ಎಂಬುದರ ಅರಿವು ಇವರಿಗೆ ಇದ್ದಂತಿಲ್ಲ. And also When they over do it , ಇದರ ಪರಿಣಾಮಗಳು ಏನು ಎಂಬುದರ ಬಗ್ಗೆ ಒಂದು ಕ್ಷಣವಾದರೂ ನಿಂತು ಯೋಚಿಸುವ ವ್ಯವಧಾನ ಇವರಿಗಿಲ್ಲ.

ಇತ್ತೀಚಿಗೆ ಬಯಲಾದ ಸ್ವಾಮಿಗಳ ವೀಡಿಯೊ ಪ್ರಕರಣ ಒಂದು ಕ್ಲಾಸಿಕ್ ಉದಾಹರಣೆ. ಈ ವಿಷಯದ ಬಗ್ಗೆ, ಕೇವಲ ನಾಲ್ಕೈದು ದಿನಗಳ ಗ್ಯಾಪ್ ನಲ್ಲಿ ನಮ್ಮ ಚಾನೆಲ್ ಗಳು ಪ್ರಸಾರ ಮಾಡಿದ ಚರ್ಚೆ / ಕಾರ್ಯಕ್ರಮಗಳ ಸಂಖ್ಯೆ ಸುಮಾರು ೨೦. (ಪ್ರತಿ ಅರ್ಧ ಗಂಟೆಗೊಮ್ಮೆ ನ್ಯೂಸ್ ನಲ್ಲಿ ತೋರಿಸುತಿದ್ದ ಅದೇ ದೃಶ್ಯಾವಳಿಗಳನ್ನು ಹೊರತುಪಡಿಸಿ). ಈ ಎಲ್ಲ ಕಾರ್ಯಕ್ರಮಗಳು ಕೇವಲ ಅದೇ ದೃಶ್ಯಾವಳಿಗಳನ್ನು ಪದೇ ಪದೇ ಪ್ರಸಾರ ಮಾಡಲು ಕಂಡು ಕೊಂಡ excuse ಮಾತ್ರವೇ ಹೊರತು ಇವುಗಳಲ್ಲಿ ಯಾವ ಹೊಸ ಅಂಶವು ಇರಲಿಲ್ಲ. ಇದು ಯಾವ ರೀತಿಯ ಸಾಮಾಜಿಕ ಜವಾಬ್ದಾರಿ?

ಕೇವಲ Breaking News , TRP ಹಾಗು ಪ್ರಸಾರ ಸಂಖ್ಯೆ ಅಷ್ಟೆ ಅಲ್ಲದೆ, ಸಾಮಾಜಿಕ ಜವಾಬ್ದಾರಿಯು ನಮಗಿರ ಬೇಕು ಅನ್ನುವ ಅರಿವು ಯಾವಾಗ ಇವರಿಗೆ ಮೂಡುವುದೋ ದೇವರೇ ಬಲ್ಲ.

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: